OTRA POESÍA N’ASTURIANU: JOÃO AFONSO MACHADO

Los cinco poemes que traduzo equí pertenecen al poemariu Sem título, del escritor portugués João Afonso Machado.  Presentóse en Xixón metanes les xornaes lliteraries del Festival Arcu Atlánticu que coordina l’Asociación Cultural L’Arribada. Foi’l 24 de xunetu, nel patiu del Centru de Cultura Antiguu Institutu, dientro tamién de los actos del día dedicáu a la lliteratura de Portugal.

João Afonso Machado tien escrito, ente más otros, O morgadio de Pindela (1999), Eles nunca saberão! (2003), Caldeiras de Queiroz de Borba (2003), A correspondência (1886-1916) entre o 2º Visconde de Pindela e António Feijó (2007) y De uma família de mareantes (2010). LLEER MÁS

OTRA POESÍA N’ASTURIANU: DHABIYA KHAMIS

Dhabiya Khamis nació n’Abu Dhabi, Emiratos Árabes Xuníos, en 1958. Estudió Ciencies Polítiques y Filosofía nes universidaes d’Indiana y Washington (EEXX). Dempués fizo Lliteratura Árabe Moderno y Antropoloxía na Universidá de Llondres, na qu’ente 1982 y 1985 dirixó la revista Awraq. Vuelve a Abu Dhabi y encárgase de la redacción cultural de Dubai TV. Tres d’asoleyase la so antoloxía personal en 1985, que ye censurada, prohíbese-y escribir pa los medios estatales y ye encarcelada en 1987. Exíliase en 1988 n’Inglaterra y dende 1991 n’El Cairo, Exiptu, onde foi encargada de les estayes de Muyeres/Familia (1992 al 1997) y Cultura (1997 al 2002) na Lliga Árabe. Anguañu ye embaxadora d’esta entidá, primero en Nueva Delhi, India, y dempués nel Departamentu de Relaciones Esteriores n’El Cairo. LLER MÁS

OTRA POESÍA N’ASTURIANU: ETHEL KRAUZE

Ethel Krauze nació en Ciudad de México, nel añu 1954. Poeta, ensayista, dramaturga y narradora. Estudió Llingua y Lliteratura Hispániques na UNAM. Foi profesora na Sociedad General de Escritores Mexicanos (SOGEM), conductora del programa de televisión Cara al futuro, coordinadora en dellos talleres lliterarios y collaboradora en revistes y periódicos mexicanos.

Ente los sos llibros destaquen Intermedio para mujeres (1982), Para cantar (1984), Donde las cosas vuelan (1985), El lunes te amaré (1987), Canciones de amor antiguo (1988), Ha venido a buscarte (1989), Entre la cruz y la estrella (1990), Cómo acercarse a la poesía (1992),  Infinita (1992),  Mujeres en Nueva York (1992), Juan (1994), Houston (1996), Amoreto (1999),  El secreto de la infidelidad (2000), Desnudando a la musa: ¿qué hay detrás del talento literario? (2011) y Todos los hombres (2012).

VER Y LLEER MÁS

OTRA POESÍA N’ASTURIANU: CORSINO FORTES

Corsino Fortes nació en Mindelo, na islla caboverdiana de São Vicente, el 14 de febreru de 1933; y morrió’l 24 de xunetu de 2015. Estudió Derechu en Lisboa. Trabayó como profesor, xuez del Tribunal de Trabayu, y, tres de la independencia,  foi embaxador en dellos varios países europeos y africanos, ministru de Xusticia y maxistráu. Collaboró en medios de … Sigui lleendo OTRA POESÍA N’ASTURIANU: CORSINO FORTES

OTRA POESÍA N’ASTURIANU: DONATO NDONGO-BIDGOYO

Donato Ndongo-Bidyogo nació en Niefang, Guinea Ecuatorial, nel añu 1950. Periodista amás d’escritor, foi’l director adxuntu del Centro Cultural Hispano-Guineano de Malabo, delegáu de l’Axencia EFE nel África Central y director del Centro de Estudios Africanos na Universidá de Murcia. La so amplia obra de difusión del africanismu n’España ye bien conocida, tando consideráu como l’impulsor máximu y autor más notable de la lliteratura guineoecuatoriana y ún de los escritores más relevantes del continente africanu. LLEER MÁS

OTRA POESÍA N’ASTURIANU: NGUYEN BAO CHAN

Nguyen Bao Chan nación en H.aiphong, Vietnam, en 1969 . Graduóse nel programa d’Escritura y Edición de la Universidá de Cine y Teatru de H.anoi y, anguañu, trabaya como editora y guionista pa Vietnam Television. Tien publicao los llibros Dòng sông cháy –El ríu de fueu– (1994), Chân trần qua vệt rét –Pies desnudos sobre’l fríu – (1999) y Những chiếc gai trong mơ –Espines del suañu– (2010). Ye una de los cien poetes recoyíos n’antoloxía billingüe  La musa desafiante: Poemes vietnamites dende l’antigüedá hasta’l presente, espublizada en 2007. VER Y LLEER MÁS