Una de les obres más conocíes de Shōzō Makino ye ésti clásicu del cine mudu xaponés, que narra les aventures del llexendariu héroe popular Xiraiya, basáu na novela popular ‘Jiraiya Goketsu Monogatari‘. El personaxe principal ye un ninya qu’usa la maxa pa tresformarse nun sapu xigante y otres téuniques, como teletresportación, ataques d’agua y capacidá voladora. Mientres los sos viaxes tien d’enfrentarse al so archienemigu, Orochimaru. Matsunosuke Onoe ye’l protagonista, un actor de kabuki descubiertu por Shōzō Makino en 1909 y consideráu la primera estrella del cine nipón.
Gracies a los trucos emplegaos podemos considerar esti títulu como’l tokusatsu primeru o filme con efeutos especiales realizaos en Xapón. L’héroe Xiraiya carauterízase poles tomes llargues y l’ausencia d’una historia unificadora, pues ta formáu por escenes sueltes, cuasi siempre de llucha, que recuerden muncho al kabuki tachimawari.
Actores principales: Matsunosuke Onoe (Xiraiya); Suminoxo Ichikawa (Orochimaru); Kixaku Otani (Tsukikagegunryo Miyukinosuke); Chosei Kataoka (Tsunatehime).
Duración: 21 minutos.
