Apadrinaos por Guillermo del Toro, los bonaerenses Andy y Barbara Muschietti entren de toes toes no meyor del Cine de Terror con Mamá, un thriller sobrenatural que provoca mieu, pero que tamién toca la freba sentimental de los espectadores. Protagonizáu por Jessica Chastain y Nikolaj Coster-Waldaul allúgase con aciertu na medrana primitiva a la escuridá y a lo qu’ésta escuende, y failo dende la visión de los neños.
Per otra parte, Mamá ye consecuencia d’otra película d’igual nome onde tien l’orixe, un curtiu estrenáu en Sitges nel 2008 polos hermanos Muschietti, en forma d’exerciciu d’estilu, qu’acabaría collechando una pilera de reconocimientos en bien de certámenes. Taba protagonizáu por Victoria Harris (Lili), Berta Rosa (Victoria) ya Irma Monroig (Mamá).
