Destino ye un curtiu d’animación que s’estrenara en 2003 , pero entamáu orixinalmente en 1946, cuando Walt Disney encargó a Salvador Dalí la fechura d’un filme de seis minutos de duración basáu na canción d’igual títulu del autor mexicanu Armando Domínguez.
Del proyectu namás se rodaran daquella 20 segundos de preba, quedando aparcaú, hasta que Roy Disney y el productor Baker Bloodwort decidieron desarrollalu en 2003 partiendo de los bocetos que dexara Dalí. El resultáu, con dirección de Dominique Monfery, ye esta ayalga cinematográfica.
