Esti poema apaez na Antoloxía Poética Asturiana (asturianu/rusu) de Fierro, Yéschenko, Mósintsev y Cherkásov, del añu 2000. Espublizárase per primera vegada nel mio llibru Augua d’invocación, editáu por Alvízoras en payares de 1988.
Testu n’asturianu
Dexa que la lluz
t’apellide nel espaciu
y en ti
conoza’l mundu,
como caballu solitariu
qu’ente cielu y tierra
galopia n’aguardáu ectoplasma,
y al delláu del mar
en perfiles allevantáu
gocia de l’azul sienda
que la tarde esbilla,
tornando a la fame de los mios brazos,
siempres
testigos nel vivu altor
de los tos güeyos mananciales.
