Esta ye la versión cinematográfica primera del famosu títulu de Lewis Carrol, restaurada va pocos años pol Archivu Nacional del BFI. Facía 37 años desque s’escribiera la novela, y 8 del nacimientu del sétimu arte, cuando se rueda n’Inglaterra con una duración de 12 minutos, de los que sobreviven 8. Dirixida por Cecil Hepworth y Percy Stow, basárase nes ilustraciones de Sir John Tenniel. La música cola qu’acompañen agora al fime ye “Jill in the Box”, compuesta ya interpretada por Hiscocks Wendy. La restauración financiáronla The Heady Trust y The Pilgrim Trust. Tamos énte’l rescate de la que fuera nel momentu de la so producción la película británica más llarga, amás de constituir per sí una ayalga pa cualisquier cinéfilu.
