Na cuenta de Youtube d’Héctor Braga , músicu y cantante llangreanu, podemos afayar ente otres estes dos ayalgues históriques del folclore asturianu. Son una danza del Perlindango filmada por Miguel Benois en Cuideiru na década de 1940 y d’una grabación de TVE en los años 70, emitida nel programa Raíces, onde José Remis Ovalle interpreta una versión curtia del so floréu.
Rabilando per ellí di con un enllaz a Le Fonds Brailoiu, del Musée d’Éthnographie de Genève, onde podemos sentir grabaciones de 29 temes asturianos recoyíos por Constantin Brailoiu en 1952 mientres un viaxe pel nuestru país. Sobre esta ayalga, bastante desconocida, escribió Héctor Braga un artículu bien interesante na so bitácora, tituláu 1952: Un patrimonio perdido y redescubierto.
